නෙදර්ලන්තය මහමෙව්නාව භාවනා අසපුව

මහමෙව්නාව භාවනා අසපු සංචිතයෙහි නිර්මාතෘ සහ ප්‍රධාන අනුශාසක අති පූජනීය කිරිබත්ගොඩ ඤාණානන්ද පින්වත් ලොකු ස්වාමීන් වහන්සේගේ පුණ්‍ය සංකල්පයකට අනුව 2015 වසරේ ඔක්තෝම්බර් මස 18 වන දින මෙම නෙදර්ලන්තය මහමෙව්නාව භාවනා අසපුව ආරම්භ විය. නෙදර්ලන්තයේ වෙසෙන ශ්‍රී ලාංකික පින්වතුන් හට මෙන්ම නෙදර්ලන්ත ජාතික පින්වතුන් හට ද අප ගෞතම බුදු රජාණන් වහන්සේගේ උතුම් ශ්‍රී සද්ධර්මය කියා දීමත් දුර්ලභව ලද මිනිස් ජීවිතය තුල සුවසේ පින් දහම් රැස් කර ගැනීම පිණිසත් කුසල් දහම් වැඩීමට උපකාර කිරීමත් එහි ප්‍රධාන අරමුණ යි. Middenweg 65, 1394 AD, Nederhorst Den Berg. යන ලිපිනයෙහි පිහිටා තිබෙන නෙදර්ලන්තය මහමෙව්නාව භාවනා අසපුව නෙදර්ලන්තයේ අගනුවර වන Amsterdam නගරයට ආසන්නව පිහිටි පහසුකම් සහිත සුන්දර කුඩා ගම්මානයක පිහිටා තිබේ.

මෙම මහමෙව්නාව භාවනා අසපුව ආරම්භ කොට ගත වූ මෙම කෙටි කාලය තුල නෙදර්ලන්තය තුල සුවිසල් දහම් ප්‍රබෝධයක් ඇති කිරීමට හැකි වී තිබේ. අති පූජනීය කිරිබත්ගොඩ ඤාණානන්ද පින්වත් ලොකු ස්වාමීන් වහන්සේගේ ශිෂ්‍ය ස්වාමීන් වහන්සේලා දෙනමක් අසපුවේ වැඩ වාසය කරන අතර උන් වහන්සේලා සැදැහැවතුන් කෙරෙහි ඉතා කරුණාවෙන් අප බුදු රජාණන් වහන්සේගේ උතුම් ශ්‍රී සද්ධර්මය කියා දෙන සේක. පින් දහම් රැස් කර ගැනීමට උපකාර කරන සේක. අසපුවාසී පින්වත් ස්වාමීන් වහන්සේලා විසින් මෙහෙයවනු ලබන මාසික දහම් වැඩසටහන් වලට 75 – 100 පමණ සැදැහැවතුන් පිරිසක් සහභාගී වේ. විශේෂ පිංකම් අවස්ථාවන් හිදී 150 ක පමණ සැදැහැවතුන් පිරිසක් සහභාගී වේ. කුඩා දරුවන් වෙනුවෙන් “පුංචි අපේ දහම් පාසල” නමින් දහම් වැඩසටහනක් ද මාසිකව සීල භාවනා වැඩසටහනක් ද පැවැත්වෙන අතර එම වැඩසටහන් වලට දරුවන් 30 දෙනෙකු පමණ සහභාගී වේ. යොවුන් තරුණ දරුවන් උදෙසා ද “යොවුන් සිතට දහම් සිසිල” නමින් දහම් වැඩසටහනක් මාසිකව පැවැත්වේ. නෙදර්ලන්තය මහමෙව්නාව භාවනා අසපුව මගින් අවට පිහිටි යුරෝපා රටවල් කිහිපයක ද දහම් වැඩසටහන් පවත්වනු ලැබේ. මීට අමතරව වෙසක්, පොසොන් ආදී උතුම් පුන් පොහෝ දිනයන් නිමිති කරගෙන සහ වස්සාන කාලය නිමිති කරගෙන විශේෂ පිංකම් සංවිධානය කෙරේ.

අසපුවේ දී මාසිකව පැවැත්වෙන සදහම් වැඩසටහන්

සෑම මසකම දෙවන ඉරිදා උදේ 9.00 සිට සවස 3.00 දක්වා ළමා සීල භාවනා වැඩසටහන

සෑම මසකම දෙවන ඉරිදා දහවල් 1.00 සිට සවස 3.00 දක්වා දහම් පන්තිය (වැඩිහිටි පින්වතුන් උදෙසා)

සෑම මසකම හතරවන ඉරිදා උදේ 9.00 සිට සවස 4.00 දක්වා මසික සීල භාවනා වැඩසටහන

සෑම මසකම හතරවන ඉරිදා උදේ 9.00 සිට සවස 4.00 දක්වා – “පුංචි අපේ දහම් පාසැල” ළමා දහම් වැඩසටහන

සෑම මසකම හතරවන ඉරිදා උදේ 9.00 සිට සවස 11.00 දක්වා යොවුන් දහම් වැඩසටහන

එමෙන්ම සෑම දිනකම සවස 6.00 සිට 7.00 දක්වා සවස බුද්ධ වන්දනාව අසපුවේ දී පැවැත්වේ.

අසපුවාසි පින්වත් ස්වාමින් වහන්සේලා විසින් බෙල්ජියමේ දී මාසිකව පවත්වනු ලබන සදහම් වැඩසටහන්

සෑම මසකම තුන්වන සෙනසුරාදා උදේ 9.00 සිට සවස 4.00 දක්වා බෙල්ජියම මාසික සීල භාවනා වැඩසටහන

සෑම මසකම තුන්වන සෙනසුරාදා උදේ 9.00 සිට සවස 4.00 දක්වා බෙල්ජියම ළමා දහම් වැඩසටහන

අප නෙදර්ලන්තය මහමෙව්නාව භාවනා අසපුව සමග සම්බන්ධ වී ඕනෑම අයෙකුට ජාති භේදයකින්, ආගම් භේදයකින්, වර්ණ භේදයකින් තොරව බුදු රජාණන් වහන්සේගේ ශ්‍රී සද්ධර්මය ඉගෙන ගත හැකිය. ජීවිතයට අපමණ පින් දහම් රැස් කර ගත හැකිය. කුසල් දහම් දියුණු කල හැකිය. ඒ සඳහා අපි සියලු දෙනාටම ඉතාමත් මෙත් සිතින් යුතුව ආරාධනා කර සිටිමු.

සියලු දෙනාටම තුණුරුවනේ අනන්ත ආශිර්වාදය සැලසේවා! මේ ගෞතම බුදු සසුනේ දීම උතුම් චතුරාර්ය සත්‍යය ධර්මය අවබෝධ වේවා!

තෙරුවන් සරණයි.

Contact Us – 

Address: Mahamevnawa Buddhist Monastery, Middenweg 65, 1394 AD, Nederhorst Den Berg, The Netherlands.

Tel: +31 294785076 / +31 684649838

Email: info@mahamevnawa.nl